Stórt skarð í hópinn okkar
Í sumar misstum við tvo af okkar elstu og bestu hundum. Múla Aska dó eftir snörp veikindi 1. júní.
Heimskautanætur Eldur dó síðan einnig eftir mjög snörp veikindi 9. ágúst.
Eldurinn okkar var upphaf alls hjá Múlaræktun. Einstakur ljúflingur sem heillaði alla sem kynntust honum.
Hann var vinsæll heimsóknarvinur hjá Rauða Krossinum og helsti göngufélagi Hjördísar.
Aska var dóttir Elds með sama ljúfa skapið. Hún fylgdi Steina hvert sem hann fór og var einstök ræktunartík.
Við söknum þeirra beggja ólýsanlega, en erum þakklát fyrir öll árin með þeim.