Síðasta gotið hennar Rómu 5 ára í dag
mars 20th, 2014 | 
Höfundur: Gæfa, Gola, Freyja, Ivan, Æsir og Koda eru 5 ára í dag 
Við sendum þeim og eigendum þessarra gullmola
afmæliskveðjur og knús.
Þarna er fallega Róma okkar á leið með börnin sín í
læknisskoðun.
Posted in 
Eldur jr. kominn með heimili
Múla Eldur jr. er kominn með nýtt heimili. Við óskum Valdísi og Þórgný innilega til hamingju með hann og bjóðum þau velkomin í Múlahópinn.
Múla Eldur jr. leitar að góðu heimili
Þessi fallegi strákur hann Múla Eldur jr. er að leita að góðu
heimili. Hann er undan Múla Ösku og ISCH CANCH
Wolfriver´s Ice Thunder Kanuck og er gotbróðir Töru
og Þrumu – verður 3ja ára 29.mars.
Hann er barngóður, vanur börnum. Er einnig vanur öðrum
hundum og er búrvanur.
Hann er heilsuhraustur, í fínu formi og með hrein augu.
Ef þið hafið einhverjar spurningar endilega verið í sambandi
við Björgvin í síma 899 0023
Múla Týr og Múla Rökkvi 5 ára
Týr og Rökkvi eru 5 ára í dag og óskum við þeim og eigendum 
þeirra innilega til hamingju með daginn.
Góðar kveðjur frá hundum og mönnum á Gunnlaugsstöðum.
Íslandsmeistaramót Sleðahundaklúbbs Íslands í kúski á sleða og skíðum 2014
Hjördís fór með 6 hunda á Íslandsmeistaramótið á Mývatni 
helgina 1.-2. mars 2014. Múlahundar unnu til verðlauna í
öllum keppnum sem þeir tóku þátt í.
Nýir Íslandsmeistarar Múla hunda eru Múla Ice Kiaro
í 5 km kúski á sleða með tvo hunda með Jill og Nanouk
Múla Hríma og Múla Rökkva í 10 km kúski á sleða með
Orra, Valkyrju, Jöklu, Þrym og Kark
Múla Elvis í 5 km skijoring karla með Sæma
Múla Týr í 5 km skijoring kvenna með Klöru og þau voru
reyndar með Íslandsmet í þeirri grein.
Aðrir Múlahundar sem kepptu voru Múla Berg, Múla
Þruma, Múla Tara, Múla Dakoda, Múla Ivan, Múla Freyja,
Múla Bresi, Múla Ice White Thunder, Múla Saga, Múla
Fenrir og svo auðvitað Kristari´s Atlas og Bless Zoe for
Star´n Nordica. Þetta var frábært mót og við erum afar
stolt af öllum Múlahundunum sem voru á svæðinu.
Full af myndum á myndasíðunni.
Múlahundur ársins 2013
Eins og undanfarin ár höldum við utan um árangur Múlahunda 
í alls konar keppnum, hlýðniprófum og á sýningum.
Alls voru 16 Múlahundar með stig að þessu sinni.
Flest stig ársins hlaut Múla Hríma og afhenti Hjördís
eigendum hennar, Olgu og Halla bikar fyrir árangurinn
á Mývatni um síðustu helgi.
Múla Blanco Islandus var í 2. sæti.
Múla Þruma
Múla Þrumu gékk afar vel á febrúarsýningu HRFÍ. 
Hún fékk ex, meistaraefni, vann opna flokkinn, varð 2.
besta tík tegundar á eftir systur sinni, fékk Íslenskt
meistarastig og vara Cacib.
Þessi fallega tík á von á hvolpum mánaðarmótin
apríl-maí. Pabbinn er Kristari´s Atlas, en hann missti
af sýningunni að þessu sinni.
Múla Hríma besti hundur febrúarsýningar HRFÍ
Allir Múlahundar fengu excellent á sýningunni um helgina.
Múla Duchess fékk heiðursverðlaun og góða dóma
en ekki sæti í úrslitum, Múla Blanco Islandus ex,
Bless Zoe for Star in Nordica ex, ck og 3.sæti í
unghundum, Múla Tara ex og 3. sæti í opnum flokki,
Múla Þruma ex ck 1.sæti í opnum, 2. besta tík,
íslenskt meistarastig og vara cacib,
Múla Hríma, ex ck 1.sæti í meistaraflokki,
besta tík tegundar, besti hundur tegundar, 1. sæti grúbbu 5
og Best In Show, stórkostlegt.
Næsta got Múlaræktunar
Við verðum með got undan Kristari´s Atlas og Múla Þrumu í 
maí-júní 2014. Þeim hefur báðum gengið vel á sýningum og
eru bæði með hrein augu og A mjaðmir og eru bæði kröftugir
sleðahundar.
Áhugasamir hafi samband við Múlaræktun s. 557 7241 eða
icelandichusky@gmail.com
Múla Elvis er kominn með gott heimili.
Múla Elvis er kominn með gott heimili á Egilsstöðum. 
Við hlökkum mikið til að fá hann á svæðið.
Við óskum Benna, Signu, Birki og Kristey innilega til
hamingju með þennan flotta gaur og vonum að hann
verði þeim til mikillar ánægju.
